ပိတောက်ပွင့်တဲ့ ခရေကောက်ချိန်

မိုးနံ့သင်းသင်း လေအေးအေးက ဆံနွယ်တစ်ချို့ကို သူမမျက်နှာတခုလုံး ဖုံးအောင် ဖြတ်တိုက် သွားတာမို့ ရေးလက်စ ကဗျာကလေးကို ခဏရပ်ကာ ပတ်ဝန်းကျင်ကို ဘာရယ်မဟုတ် ကြည့်ဖြစ်လိုက်သည်။

“အို..”
လုံခြည်ခြေဖမိုးဖုံးနေသောကြောင့် လမ်းတလျှောက် လုံချည်နှင့် တံမျက်လှည်းလာသူ ဆယ်ကျော်သက် ကောင်မလေးတစ်ယောက်ပုံစံက မျက်စေ့ စပါးမွေးစူးစရာ ။ ဒီထက်ပိုဆိုးသည်က လက်ထဲတွင် ပိတောက်ပန်းများ တစ်ပွေ့တစ်ပိုက်ဖြင့် သူမရှိရာ ခရေပင်တန်းမှ ဖြတ်လျှောက်စဉ် ခရေပန်းကောက်နေပုံက သူမအား အတိတ်တို့ဖြင့် နာကျင်စေအောင် ဆွနေခြင်းဖြစ်သည်။

..............................................................................................

“ခရေကောက်ချိန်မှာ ပိတောက်တွေ မပွင့်စေချင်ဘူးကွယ်…”
ပင့်သက်တစ်ခုကို ခပ်ပြင်းပြင်းချဖြစ်ရင်း စာသားတစ်ချို့ကို တီးတိုး ရွတ်ဆိုမိပြန်သည်။ အတိတ်ကညနေတွေမှာသာ သူမမှာ ခရေကောက်တတ်တဲ့ အကျင့်ကလေးမရှိခဲ့ရင် ဒီအတိတ်ဆိုးက လွတ်ကောင်း လွတ်နိုင်လေမလား လို့ တွေးဆကြည့်ခဲ့ပေမယ့် ကံကြမ္မာ ဆိုတာကို သူမမှ မမြင်နိုင်ခဲ့ပဲလေ။
အတိတ်ရဲ့ညနေတွေတုန်းကတော့ ပန်းကြွေလေးတွေကိုမြင်တိုင်း စကတ်တိုတိုကလေးနှင့် အပြေးကလေး ပြေးကောက် တတ်တဲ့ ဆယ်ကျော်သက် အပျိုရိုင်း ကလေးတွေထဲက မှ တစ်ယောက်ဖြစ်ခဲ့ဖူးသည့် သူမ။ မြို့ငယ်ကလေးရဲ့ ဘုရားရင်ပြင်ရှိ ကျောက်ပြား ဖြူဖြူတွေပေါ်က ထုံးစက်လား ပန်းကြွေလေးများဆိုတာ အတိအကျ သိနိုင်ခဲ့သည်အထိ ခရေကိုနှစ်သက်သူ သူမ။
နောက်… မျက်ရည်တို့နှင့် စိုစွတ်ခဲ့ဖူးသော အကျည်းခပ်တန်တန် ညနေတစ်ခု။
ညဥ့်သန်းခေါင်မှာ မိုးကျီစယ်လို့ ပွင့်ခဲ့တဲ့ ပိတောက်တွေနဲ့လှနေတဲ့ နေတစ်နေ့ရဲ့ တိုက်ဆိုင်မှုများနှင့် ကံကြမ္မာ…
ပိတောက်ပွင့်ခဲ့တဲ့ မိုးဦးကျစ အချိန်က ခရေတို့ကို ကယောင်ခြောက်ခြား ကြွေစေသည့် လေပြင်းပြင်း …
တရား သည် မတရားသည် သူမ မသိ၊ တဦးတည်း စွဲချက်တင်ကာ အတည်ပြုခဲ့သည်က အဲဒါ ပန်းကြွေကောက်ချိန်… ………………………………………………………………………………..

“အမလေး… ”
မြေပေါ်တွင် ပြန့်ကျဲသွားသော ရွှေဝါရောင် ပိတောက်ပွင့် တို့က ခရေပင်တန်းတနေရာမှာ နေရာယူလိုက်သည့်အခါ သူမ အပြေးကလေး ကောက်မိသော အကြွေပန်း ကလေးတစ်ပွင့်ကိုလည်း လက်ကလေး မမှီ့တမှီမှာပဲ ဆိုးဆေးနီနီကလေးနှင့် ခြေအစုံက က ဖုံးအုပ်ပြီးသား။ လက်ကလေး အနင်းမခံရအောင် အသာရုတ်လိုက်တာမို့ သူမ ဟန်ချက်ပျက်သွားသလို ပိတောက်ပိုင်ရှင် ကလေးကလည်း လဲပြိုလုလု။

“ဒုက္ခပါပဲ သူများကို လက်ဆောင်ပေးမဲ့ ပိတောက်တွေ ခုတော့ ကြွေကုန်ပြီ ။ လူသွားလမ်း ရှိတယ်ဆိုတာလည်း သတိရဦး ကလေးမရယ် … ။ ”

ထိုမမ ကသူမအား အပြစ်တင်စကား ဆိုလာပြန်တော့ ဘာမှမပြောဖြစ်ပဲ စူပုပ်ပုပ်ကလေး လုပ်ကာ ပြားချပ်ချပ်ပန်းကလေးကို တလှည့် ဘုရား တန်ဆောင်းထဲက တိုင်ကပ်နာရီ ကိုတလှည့် ကြည့်လိုက်သည်။ သူမ ၇ နာရီ စာကျက်ဖို့ပြန်ရဦးမည်။ ဘာကြောင့်မှန်းမသိ ခရေပန်းတွေကိုမှ စာကြည့်စားပွဲတွင် ထားတတ်သော ကိုကိုကြီးအတွက် စနေနေ့ညနေတိုင်း ပန်းတစ်ကုံး ကိုယ်တိုင် ကောက်ပေးတတ်သော သူမ ထုံးစံကလေးကို လည်း ပျက်မှာစိုးမိသေးသည်။ လက်ထဲက ခရေ သီထားတဲ့ နှီးတံကလေး မှာ ပန်းတွေ လိုနေသေးသည်လေ။
နာရီဝက်လောက်အကြာ ပန်းကြွေကောက်ခါမှ နှီးတံကလေး တလျှောက်ပန်းတွေ ပြည့်လာသည်။ ကျောင်းလွယ်အိတ်ကလေးကို လွယ်ထားသော သူမတယောက် သူမနေထိုင်ရာ တဲစုတ်ကလေးကို ကျော်ကာ ကိုကိုကြီးတို့ အိမ်တန်းဘက်ကို အပြေးကလေးလာမိသည်။ ခါတိုင်းအချိန်ထက် အနည်းငယ် နောက်ကျနေတာမို့ သူမ လာလျှင် ဆူဖို့ စောင့်နေရော့တော့မည်လို့ ထင်ပေမယ့် ကိုကိုကြီးစာကြည့်စားပွဲက ထူးဆန်းစွာ အမှောင်ကျနေသည်။ ဘောလုံးပွဲလာသည့်ရက်မှလွဲ၍ မဖြစ်မနေ စာဖတ်တတ်သော ကိုကိုကြီးတစ်ယောက် ဘာတွေ လုပ်နေပါလိမ့်…။
ကိုကိုကြီးတို့အိမ်က သူမနှင့် စိမ်းမနေတာမို့ ရယ်သံအချို့ကြားရာ ထမင်းစားခန်း ဆီကို ၀င်လာလိုက်တော့ စနေနေ့ညနေတို်င်း၏ အပျော်လေးများက သူမနှင့် ဝေးရာကို ထွက်ပြေးသွားကြသည်။
“လာလေ သမီးလေး ဒေါ်ဒေါ်လုပ်ထားတဲ့ မုန့်လာစား ”
“……”
ကိုကိုကြီး မေမေမှ လှမ်းခေါ်တော့ သူမ ငြင်းးရခက်စွာ ခဏရပ်နေလိုက်သည်။ မိသားစု ထမင်းစားဝိုင်းတွင် ကိုကိုကြီး ကိုယ်ထွားထွားကြီးကို မခိုးမခန့်လေးမှီနေသော ခြေသဲနီနီနှင့် ပန်းကြွေလေးများ ကို ကြုံကြိုက်စွာ အမှတ်မဲ့ နင်းဖြစ်ခဲ့သူ အဲဒီမမ၏ အပြုံးကလေးများက သူမကိုတွေ့တော့ ပျောက်ကွယ်ချေပြီ။ ကိုကိုကြီးတို့ မိသားစုစုံကာ စကားပြောနေရာမှာ ခဏထိုင်နေဖြစ်တော့ သူမ ရင်မှာ လှိုင်းထန်လွန်းလှသည်။ ကိုကိုကြီးကတော့ သူမကို သတိမရနိုင်လောက်အောင် ခြေသည်းနီနီလေး ပိုင်ရှင်နှင့်သာ ရယ်သွမ်းသွေးနေချေသည်။
သည်းခံနိုင်သည့် အတိုင်းအတာ တစ်ခု အဆုံးမှာ အားလုံးကို ပြုံးမပြနိုင်တော့အောင် သူမ ဟန်ဆောင်မှုကင်းမဲ့စွာ ထမင်းစားခန်းမှ ထွက်လာခဲ့ဖြစ်သည်။ သူမချစ်သော ကိုကိုကြီးသည် ခရေပန်းအပြင် တခြားတခြား သော ပန်းကလေးများ ကိုလည်း နှစ်သက်နေသေးကြောင်း ကိုကိုကြီးစားပွဲပေါ်မှ ပိတောက်ပန်းတို့ က သက်သေခံသောအခါ သူမမှာလည်း ခြေဖ၀ါးအောက်က အကြွေပန်းကလေးလို အသက်ရှုမွန်းကျပ်နေခဲ့ပြန်သည်။
တစ်ညနေလုံး ဘုရားပေါ်တွင် ကောက်ထားခဲ့သော ပန်းကလေးများကို ကိုကိုကြီး၏ စာကြည့်စားပွဲတွင် နောက်ဆုံးအဖြစ် တင်ပေးဖြစ်ခဲ့သော အခါ သူမ ရင်ထဲမှ အမုန်းမဲ့သော ချစ်ခြင်းများ အကြောင်းကို ဖာသာသိနေခဲ့သည်။ သူမ တစ်ယောက်တည်းကိုသာ ချစ်ပါသည်ဟု ပြောခဲ့ဖူးသော ကိုကိုကြီး၏ စကားများက ခုတော့ လေမှာလွင့်သလို လွင့်ပျယ်ချေပြီထင်သည်။ ဒီလိုနှင့်ပဲ ကိုကိုကြီးတို့ အိမ်ကိုနေ့စဉ် စာဖတ်ရန် ဆိုသည့်အကြောင်းပြချက်ဖြင့် ရောက်ရှိခြင်းတို့ကို သူမ ခက်ခဲစွာ တိတ်တဆိတ် အဆုံးသတ်ဖြစ်ခဲ့ပါသည်။ ………………………………………………………………………………………
ပိတောက်ပန်းများနှင့် ခရေကောက်နေသော ကလေးမလေးအား မျက်ဝန်းမှ ပျောက်ကွယ်သွားသည်အထိ သူမငေးကြည့်နေရင်း သက်ပြင်းကိုသာ အကြိမ်ကြိမ် ချနေမိသည်။ အချိန်တွေလည်း ကြာခဲ့ပါပြီ။
အချိန်တိုင်း ခရေသာ ကောက်နေချင်သော ၊ ခရေပင်ရိပ်တွင်သာ အချိန်ကုန်ဆုံးချင်သော စိတ္တဇတို့က အကျည်းတန်သော အတိတ်ကို တန်ဆာဆင်နေသည် ဆိုတာ သိနေပေမယ့် သူမ ခရေကိုသာ ကောက်ချင်မိသည်။ ဒီနှစ်ပိုင်းတွေမှာ ကိုကိုကြီးတို့အိမ်ဘက်မှ ဆူညံပူညံသံများနှင့် ယမကာသံ နှောနေတတ်သော ကိုကိုကြီးအသံကို ကြားဖြစ်တော့ သူမ စိတ်မကောင်းဖြစ်မိသလို အရင်လို ခြေသည်းနီနီကလေးများနှင့် မလှပနိုင်တော့ပဲ ၀မ်းနည်း မျက်ဝန်းတစ်စုံကို ပိုင်ဆိုင်စပြုလာသော ထိုမမ မျက်ဝန်းများနှင့် ဆုံမိသောအခါ ရင်နင့်ရပြန်သည်။
မန်ယူနှင့် ချဲဆီးလ် တို့ထက် ရီဝေေ၀ညနေကိုသာ တစိုက်မက်မက် ခုန်မင်လာသော ကိုကိုကြီးက သူ့ဘ၀ကို ထို ယစ်ရွှေရည်များနှင့် တန်ဆာဆင်တတ်နေပြီဖြစ်သလို သူမကိုတွေ့တိုင်းလည်း သံယောဇဉ်မပြတ်သော မျက်ဝန်းများနှင့် ကြည့်တတ်လာသောအခါ တခြားရပ်ကွက်ကလေးသို့ သူမ ပြောင်းရွှေ့ ဖြစ်ခဲ့သည်။ ရွေးချယ်ခွင့် များပြားစွာ မရှိခဲ့သော လမ်းများကို သူမတစ်ယောက်တည်း ကြိုးစား၍ ဆက်လျှောက်နေခဲ့သောအခါ နောင်တဆိုတာ မရှိခဲ့သလို ရွေးချယ်ခဲ့သူ ကိုကိုကြီးနှင့် သူ၏ မိသားစုကိုလည်း နောင်တများနှင့် မပျော်ပိုက်စေလိုပါ။
“………………………”
ခပ်ကြမ်းကြမ်းလေပြင်းတခု နှင့်အတူ မိုးစက်တို့ ပါလာတာမို့ ကစင့်ကလျား ကြွေလာသည့် ခရေပန်းများကို အသာကောက်ပြီး ရေးလက်စ ကဗျာတပုဒ်ကို လက်စ သတ်ကာ ခရေပင်တန်းကလေးမှ သူမ စာပြရာ သင်တန်းကျောင်း ကလေးသို့ ထွက်ခွာလာခဲ့သည်။

ခရေကောက်ချိန်မှာ

ပိတောက် မပွင့်စေချင်ခဲ့တာ

အကြွေပန်းရဲ့ မရှိမာနတစ်ခုပေမယ့်

ရွှေဝါပွင့်ရိပ်ဆီ မလှမ်းဖို့

ဖွင့်ဟလို့ မဆိုသာပြန်ဘူး…

အတွေးတွေ နယ်လွန်တယ်ပဲထား

ခရေကောက်ချိ်န်မှာ ပိတောက်တွေမပွင့်စေချင်ဘူး

တကယ်လို့သာ

အဲဒီညနေ ပိတောက်ပွင့်မယ်ဆို

ခရေငယ် ဘယ်လိုမှ မကြွေဝံ့ဘူး …

မွန်းသက်ပန် (ဆေး-၁)
လောကအလှ အွန်လိုင်း မဂ္ဂဇင်း
၂၀၀၉ ခုနှစ် မေလ ၂၂ ရက်

Print this post