တောင်ပေါ်မြို့ မိုးရာသီ

တောင်ပေါ်မြို့ကလေးရဲ့ မိုးရာသီက ကျမကို မတုန်လှုပ်စေပေမယ့် ကျမရဲ့ကွန်ပြူတာလေးကို အင်အားပေးနေတဲ့ ကြိုးကလေးကိုတော့ ၀ါးမြိုသွားခဲ့ပါတယ်။

တကယ်ကို လျှပ်တပျက်ပါပဲ။ ချက်တင်ဝင် ရတာကို ၀ါသနာမပါပေမယ့် စိတ်ကူးရရင် ရသလို စာရေးချင်တဲ့ ကျမမွန်းသက်ပန် အဖို့တော့ ခြေလက်တွေ ရိုက်ချိုးခံလိုက်ရသလိုဖြစ်တာမို့ အတော်လေး အနေရခက်နေဆဲပါဘဲ။ နှစ်ပတ်တာ လုပ်အားပေးအဖြစ် ရောက်နေခဲ့တဲ့ နယ်ဆေးရုံကလေးမှာ ဆရာဝန်နဲ့ ကျန်းမာရေးလုပ်သား ရှားပါးလှတာကကြောင့် ကျမရဲ့ အဓိကတာဝန်ဖြစ်တဲ့ ကိုယ်ခံအားကျဆင်းမှုရောဂါနဲ့ အသက်ရှင် နေရသူတွေကို ပြုစုစောင့်ရှောက်ရတဲ့ ဆရာဝန်တစ်ယောက် အဖြစ် သာမက၊ ဆေးရုံ ward round နဲ့ ဓါတ်ခန်းခွဲလေးမှာပါ ကူညီဖို့ တာဝန်ပိုအဖြစ်ယူဖြစ်တာမို့ နေ့ဘက်တွေမှာ ကျမကွန်ပြူတာလေးကို လွမ်းဖို့အခွင့် သိပ်မရခဲ့ပါဘူး။ ဒါကြောင့် ခုလိုညဘက်ရောက်ခါမှ ဆေးရုံ ကွန်ပြူတာဌာနမှ ငှားပေးတဲ့ adaptor cable လေးနဲ့ ကျမမွန်းသက်ပန်တယောက် report တွေရေး၊ ဘလော့တွေ လည်ပတ်ရင်း ကျမရဲ့ ကြိုးအဟောင်းလေးကို နှမျောတသမိနေမိတော့ တာပါပဲ။

ဒါကြောင့် ဒီရက်တွေမှာ ကွန်မန့်တွေကို မတုန့်ပြန်နိုင်ခဲ့ဘူးဆိုရင် ကျမမွန်းသက်ပန်ကို နားလည်ပေးနိုင်မယ်လို့ ထင်ပါတယ်။ နောက်ထပ်ကြိုးအသစ်တစ်ချောင်း ရောက်လာတဲ့အထိ ဒီဆေးရုံကလေးကနေ ကျမမျှော်နေယုံကလွဲလို့ တခြားလမ်းမရှိနိုင်တဲ့ အခြေအနေမို့လို့ပဲ ပြောရမယ်ထင်ပါရဲ့ …

လေးစားလျှက်

မွန်းသက်ပန် ( ဆေး-၁)

Print this post